NGA INFORMATORI NR 16
1000€ gjobë për Bashkimin
10 December, 2019 @22:37
Ish-kampioni i Kosovës në basketboll, Bashkimi, pas derbit të Dukagjinit që e fitoi ndaj Pejës, është dënuar me 1 mijë euro gjobë, ka bërë të ditur FBK-ja në Informatorin e fundit të botuar.
Për shkak të mungesës së personit/paisjes për pastrimin e fushës gjatë lojës, dhe këtë për herë të dytë këtë stinor, Bashkimit i është dhënë dënimi prej 400 eurove.
Ndërsa me 600 euro tjera klubi është dënuar për shkak të hudhjes së gjësendeve të forta në parket gjatë ndeshjes, që në total çon dënimin në 1000 euro.
Përndryshe, sa i përket klasifikimit aktual në Superligë, bashkë me Rahovecin, Bashkimi ka bilans më të mirë në ligë me 11 fitore e 3 humbje.