2-0 apo 1-1?

Me fillim nga ora 20:30, sonte në palestrën “Sezai Surroi” në Prizren, Bashkimi dhe Prishtina përballen mes vete në ndeshjen e dytë finale të Superligës së Kosovës në basketboll.

Ndeshja e parë në kryeqytet përfundoi me fitoren e prizrenasve, të cilët sonte në Prizren do të tentojnë ta shënojnë fitoren e dytë brenda serisë, për t’iu afruar kështu shumë titullit kampion. Në anën tjetër, Prishtina me një fitore eventuale do ta barazonte serinë, për ta rikthyer përsëri avantazhin e terrenit vendas, të cilin e humbi pas disfatës në shtëpi pak ditë më parë.

SKEMA E PLAY OFF-IT

Në rast se shpallet kampion, ky do të ishte titulli i parë i Bashkimit në histori të klubit, derisa për Prishtinën do të ishte titulli i pestë me radhë.