DRITA - VUSHTRRIA
8 fitore rresht për Dritën
10 December, 2020 @18:30
Skuadra gjilanase Drita, regjistroi fitoren e tetë rresht, duke e mposhtur Vushtrrinë me rezultat 80-74.
Drita arriti të kthehet prej 11 pikëve disavantazh dhe e mposhti kundërshtarin me gjashtë pikë epërsi.
Qëndrim Demi ishte koshashënuesi më i mirë i skuadrës gjilanase me 20 pikë. Ai luajti edhe me 7 kërcime e 5 asistime, derisa u ndihmua edhe nga Rinor Ahmeti me 19 pikë dhe Gent Shala me double-double prej 18 pikëve e 24 kërcimeve.
Te Vushtrria Engjëll Ramaj u dallua me 23 pikë e 4 kërcime dhe Albion Imeri me 18 pikë të tjera.
Drita gjendet në pozitën e dytë me 8 fitore e 1 humbje, kurse Vushtrria me 4 fitore e 5 humbje është në pozitën e pestë.
Në xhiron tjetër Drita takohet me AS Prishtinën, ndërsa Vushtrria me Prishtinën e Re.