Të gjitha lajmet

PARA DUELIT

A do të ketë fuqi Rahoveci të çojë serinë në ndeshjen 5?

A do të ketë fuqi Rahoveci të çojë serinë në ndeshjen 5?

10 May, 2019 @13:27

Prishtina ka marrë epërsinë e serisë finale të PlayOffit të Superligës në 2-1 me fitoren e fundit të shënuar në Pallatin e Rinisë dhe të Sporteve në Prishtinë.

Seria sonte vazhdon në Rahovec. Por, edhe mund të përfundojë aty. Rahoveci duhet të fitojë patjetër për të dërguar serinë në ndeshjen e pestë vendimtare.

Në anën tjetër, Prishtina me fitore do të kthejë titullin kampion në kryeqytet, pasi që stinorin e kaluar e humbi atë.

Prishtinës sonte i kthehet trajneri Damir Mulaomerovic, që ishte suspenduar në përballjen e fundit në Mizahir Isma, kur vreshtarët patën fituar për të barazuar serinë në 1-1, duke ia shkaktuar humbjen e parë bardhekaltërve nga kryeqyteti në të gjitha garat vendore këtë sezon.

PLAYOFF SKEMA

Fred Richardson dhe Deshon Minnis janë dyshja kryesore e Rahovecit, ndërsa loja e tyre varet edhe nga performanca e mirë e Arian Qallakut e Andre Washingtonit - për të kompletuar forcën.

Në anën tjetër Prishtina është favorite. Dardan Berisha, Mikaile Tmusic dhe tabori i të huajve, hiq të larguarin Bullock, janë arrë e fortë për tu mposhtur.

Gjithsesi, vreshtarët llogarisin në forcën shtesë të ekipit, publikun që gjithmonë po e mbush palestrën e re të qytetit. Me përkrahje të madhe, ndoshta ekipi mund të ndezet për të bërë edhe një befasi dhe pastaj të shtyhet përfundimtarja në ndeshjen e pestë.

Gjithçka vendoset sonte sa i përket kësaj, me fillim prej orës 20:30 në Mizahir Isma të Rahovecit.

Prishtina merr dënim për polici!

Foto: KBPrishtina/fb

9 May, 2019 @9:55

Skuadra e Prishtinës është dënuar nga FBK me 100 euro për ndeshjen e tretë të serisë finale të PlayOffit. …

VOTIMET

Mulaomerovic më i miri i FIBA Europe Cup 18/19

8 May, 2019 @13:08

Trajneri i reprezentacionit të Kosovës dhe i Prishtinës, Damir Mulaomerovic, është përzgjedhur trajneri më i mirë i sezonit në FIBA…

TOP 3 / FIBA EUROPE CUP

Dy ish-lojtarët e Prishtinës në TOP3 të FIBA Europe Cup

8 May, 2019 @12:52

Me votat e fansave të FIBA Europe Cup, dy ish-lojtarët e Prishtinës u futën në TOP 3shen e kësaj gare. …

RAHOVECI - PRISHTINA

Rahoveci për barazim, Prishtina për titull

8 May, 2019 @10:51

Ndeshja e katërt në serinë finale të Superlgës së Kosovës në basketboll në mes të Prishtinës dhe Rahovecit, do të…

GAME 3: PRISHTINA - RAHOVECI

Prishtina rikthen avantazhin e serisë

7 May, 2019 @22:27

Pas humbjes në ndeshjen e dytë të serisë, Prishtina është këndellur dukshëm në ndeshjen e tretë dhe me dominim total…

Të gjitha lajmet nga FBK Superliga