Altin Morina dhe Valon Bunjaku ftohen nga Greenberg

Selektori i Kosovës, Brad Greenberg, ka ftuar 17 basketbollistë për dy përballjet e fundit të Kosovës në kuadër të kualifikimeve për Kampionatin Botëror Rusia 2018.

Altin Morina është emër i ri në përfaqësueses, ndërsa aty Greenberg ka gjetur vend edhe për Valon Bunjakun, që deri tash ka luajtur për grupmoshat e reja të Kosovës.

Lista e gjërë e lojtarëve, do të shkurtohet në 12, pas stërvitjeve të para.

TABELAT DHE ORARI I NDESHJEVE

Emra të rinj në përfaqësuese janë edhe Mikaile Tmusic, pastaj Dardan Kapiti, një talent që pritet të shpërthejë si dhe Rinor Peci.

DUELET DHE STËRVITJET

Përfaqësuesja e Kosovës në basketboll nga dita e hënë (11 qershor) do të grumbullohet në Prishtinë për t’u përgatitur sa më mirë për dy ndeshjet kualifikuese të Dritares së Tretë të Kupës së Botës “Kina 2019”.

Stërvitja e parë do të mbahet të hënën me fillim nga ora 18:00, ndërsa më pas Përfaqësuesja jonë do të startoj me nga dy herë në ditë stërvitje, 10:00-12:00 dhe 18:00-20:00 në Pallatin e Rinisë dhe Sporteve në Prishtinë.

Kosova më 28 qershor do të përballet me Hungarinë, kurse më 1 korrik do të ballafaqohet me Poloninë.

Të dyja ndeshjet Përfaqësuesja jonë do t’i luaj me fillim nga ora 20:30 në palestrën e vogël të Pallatit të Rinisë dhe Sporteve në Prishtinë.

Në Grupin C bëjnë gara Lituania, Kosova, Hungaria dhe Polonia. Prej secilit grup do të jenë tri skuadra që do të vazhdojnë garat në raundin e radhës.

FTESAT: