NGA KONFERENCA
Anel Rashkaj: Në shtëpi e kemi publikun me veti
2 September, 2019 @23:50
Mesfushori i përfaqësueses së Kosovës, Anel Rashkaj, që aktualisht luan për Eskilstunan, beson në rezultatet që mund t’i arrijë Kosova në duelet e radhës - më të vështira të fazës grupore për ekipin tonë.
ORARI I NDESHJEVE dhe TABELA AKTUALE
“Janë skuadrat më të forta në grupin tonë. Jo vetëm në grupin tonë, por edhe në Evropë sidomos Anglia, por edhe çekët kanë kombëtare shumë të fortë dhe me një bagazh të madh në Evropian e Botëror. Do të jetë vështirë, por ne kemi treguar lojë të mira, prandaj duhet të shfrytëzojmë vetëbesimin që e kemi. Luajmë në shtëpi dhe publikun e kemi me veti dhe shpresojmë në rezultate pozitive”, ka thënë Anel Rashkaj.
ORARI I NDESHJEVE dhe TABELA AKTUALE
Kujtojmë, Rashkaj është lojtari i vetëm bashkë me Samir Ujkanin që ka mbijetuar vitet e kaluara prej se Kosova mori të drejtën e ndeshjeve miqësore ndërkombëtare nga FIFA, pa u pranuar, deri në periudhën e pranimit dhe pas saj.