Artur Magani gjen ekip të ri

Ish sulmuesi i Ballkanit, Feronikelit e Lirisë në Superligë, Artur Magani, ka gjetur ekip të ri shpejt, pasi që i përfundoi kontrata me ekipin suharekas.

Magani është zyrtarizuar sot në ekipin e Kategorisë së Parë të Shqipërisë, Egnatia, ku trajner është babai i tij, Gugash Magani që u zyrtarizua dje në deytrë të re.

Egnatia e Rrogozhinës me kryetarin e saj Agim Demrozi po planifikon të ngjitet shpejt në Superiore dhe ka bërë disa përforcime që mund t’i ndihmojnë klubit në ngjitje.

Përveç dyshes së përmendur, Egnatia ka nënshkruar edhe me Ndriçim Shtubinën dje, që luan si mesfushor ofanziv. Shtubina ka qenë pjesë e disa ekipeve të Superiores në vitet e kaluara si Vllaznia, Kukësi e Laçi. Ndërsa sot pos Arturit ka zyrtarizuar edhe Mario Teqen, me të cilin ka nënshkruar kontratë 2+1 vjeçare.