PËRFORCIMI
Bajram Azizi te FC Prizreni
18 August, 2020 @12:38
Vetëm një muaj pas krijimit të ekipit senior dhe sigurimit se do të futen në gara zyrtare të FFK-së, FC Prizreni nga qyteti i Prizrenit ka siguruar shërbimet e futsallistit të njohur në këtë qytet, Bajram Azizi.
Klubi në njoftimin e lëshuar ka ftuar të gjithë të interesuarit t’i bashkohen ekipit të tyre në rrugëtimin e radhës, pas dy viteve përvojë si Shkollë e Futbollit.
FC Prizreni tashmë ka nisur stërvitjet me ekipin senior për sezonin e parë dhe debutues në gara zyrtare për sezonin 2020/21.
Azizi ka konfirmuar se është bërë pjesë e FC Prizreni në llogarinë e tij personale të Facebookut.