Bajram Jashanica vazhdon me Ballkanin

Qendërmbrojtësi Bajram Jashanica, ka vazhduar kontratën me Ballkanin, ka bërë të ditur klubi i tij pak më parë.

Futbollisti që ka luajtur në disa skuadra shqiptare, ndërsa kulmin e arriti me Skënderbeun e Korçës, ka vazhduar edhe për dy stinorë kontratën me ekipin nga Suhareka.

Kështu, Jashanica 31-vjecar do të jetë lojtar i Ballkanit deri më qershor të vitit 2024. Ballkani këtë stinor për herë të parë në histori u bë kampion i Kosovës, ndërsa do të luajë këtë verë në kualifikime për Ligë të Kampionëve 2022/23.