Bashkimi fiton, me lojë të mirë në pjesë të parë

Skuadra e Bashkimit ka arritur fitoren e shtatë të stinorit në Superligë, duke e mposhtur Lipjanin sonte, me rezultat 78-86 (17-23, 19-29, 18-19 dhe 24-15).

Performanca e mirë në pjesë të parë, mjaftoi për djelmoshat e drejtuar nga Illmen Bajra, që në pjesë të dytë u lëshuan në ler.

Nga 20 pikë në fitore shënuan Corey Ross dhe Terik Bridgeman, derisa ky i fundit kreu ndeshjen me double-double, pasi që shënoi edhe 10 kërcime.

TABELA AKTUALE

Elvan Iljazit sot i ndezi snajperi, pasi që shënoi 4 herë nga 7 tentime për tre pikë, për të përfunduar duelin me 14 pikë, e Stevie Clark dha 19 pikë, 5 asistime e 7 kërcime në fitore.

Te Lipjani, të huajt luajtën pa pushim tërë ndeshjen. Por performanca e tyre nuk u ndihmua thuajse fare nga vendorët e ekipit dhe kështu skuadra vazhdon të mbetet pa fitore këtë stinor akoma.

Demarcus Stuckey Jr shënoi 28, Marquise Simuel 25, ndërsa Devaughn Jenkins 16 pikë për lipjanasit, derisa vendorët në total të gjithë dhanë 9 pikë!!!

Simuels dhe Jenkins kryen ndeshjen me double-double duke shënuar edhe 11, përkatësisht 14 kërcime.

TABELA AKTUALE

Pas kësaj fitoreje Bashkimi ka bilans 7-2 dhe është në pozitë të dytë të tabelës, ndërsa Lipjani mbetet i fundit, pa fitore me bilanc 0-9.