VËLLAZNIMI - BASHKIMI
TOPSPORTI / Arian Paçarizi
Bashkimi vazhdon me fitore
24 December, 2020 @17:08
Skuadra e Bashkimit mposhti Vëllaznimin në Gjakovë me rezultat 86-97.
Rezultati në këtë duel ishte i ngushtë deri në çerekun e fundit, derisa skuadra prizrenase ishte më e suksesshm në fund dhe e regjistroi fitoren e katërt rresht.
Musab Mala me 29 pikë ishte koshashënuesi më i mirë te Bashkimi, derisa me double-double shkëlqyen edhe Julian Hamati me 24 pikë, 10 kërcime, Sean Hoehn 21 pikë e 12 kërcime dhe Shaq Carter me 20 pikë e 14 kërcime.
Te Vëllaznimi u dalluan Christopher Hortman me 35 pikë, 9 kërcime e 6 asistime, Robert Sheshtani me 16 pikë dhe Cedric Council me 12 pikë e 13 kërcime.
Bashkimi aktualisht ka 5 fitore e 5 humbje, kurse Vëllaznimi ka 3 fitore e 7 humbje.
Në xhiron tjetër Bashkimi e pret Pejën në Prizren, derisa Vëllaznimi udhëton në Mitrovicë për t’u përballur me Trepçën.
