BESART BERISHA
Berisha në top formë, hat-trick dhe asist
31 October, 2016 @11:40
Besart Berisha ka shkëlqyer sot me skuadrën e tij, Melbourne Victory, përballë skuadrës Wellington Phoenix, që u zhvillua në kuadër të kampionatit australian.
Sulmuesi 31 vjeçar ka shënuar tri gola dhe ka asistuar një herë, për fitoren e thellë 6-1 të Melbourne-it.
Dy golat e para Berisha i shënoi nga penalltia, ndërsa hat-trick-un e realizoi duke e shënuar golin e pestë të skuadrës.
Me këtë hat-trick, ai arrin në kuotën e katër golave gjithsej dhe ngjitet në krye të listës së golashënuesve të kampionatit australian pas katër xhirove të para.
