SULMUESI I KOSOVËS
Bernard Berisha shpëton Akhmatin nga humbja
31 August, 2019 @22:19
Sulmuesi i krahut, Bernard Berisha, me golin e tij të shënuar sot në minutat shtesë të takimit (90’+2) ka shpëtuar ekipin e tij Akhmat nga humbja prej Tambovit.
Mysafirët ishin në epërsi që nga minuta e pestë e takimit dhe ishin shumë afër fitores, por kështu nuk mendoi Berisha, që së fundi mori ftesën nga Bernard Challandes, i cili u fut në lojë në fillim të pjesës së dytë (54’) për të shënuar në fund të ndeshjes për barazimin, 1-1.
Përndryshe me këtë barazim, Akhmat ka mbledhur 8 pikë nga 8 xhirot e para të stinorit dhe është në pozitën e 12 të Superligës ruse, nga 16 skuadra sa marrin pjesë aty. Prej minutës së 70 për Akhmatin u paraqit edhe mesfushori i Shqipërisë, Odise Roshi.