INTERNATIONAL CHAMPIONS CUP
Buffon e Ronaldo, shpëtojnë debutimin e De Ligtit
24 July, 2019 @17:43
Cristiano Ronaldo ka barazuar 1-1, ndërsa Gigi Buffon ka mbrojtur tre penallti të futbollistëve të Interit, ashtu që Juventus të triumfojë në ndeshjen përgatitore në kuadër të turneut botëror të ICC-së.
Me këtë, ata kanë shpëtuar debutimin e holandezit të shumëpërfolur Matthijs de Ligt, i cili me autogol i dha epërsinë Interit në minutën e 10 të takimit.
Mirëpo në pjesë të dytë ndryshoi gjithçka dhe Juventus barazoi me yllin portugez (68’) 1-1 për të çuar ndeshjen në penallti.
Në fund, Juventus triumfoi me penallti 3-2 në përballjen ku debutoi de Ligt, por edhe mbrojtësi tjetër i ri i ekipit, turku Melih Demiral.