PARTIZANI
CAS ia jep lajmin e mirë Partizanit
4 January, 2021 @18:39
Skuadra e Partizanit në prag të afatit kalimtar të janarit ka marrë lajmin e gëzueshëm nga ana e Gjykatës së Arbitrazhit Sportiv (CAS).
Ekipi nga kryeqyteti shqiptar është njoftuar se ka fituar të drejtën e transferimit të lojtarëve, gjë për të cilën ishte i pezulluar nga FIFA për shkak të çështjes së sulmuesit Erald Çinari.
Lajmi është bërë i ditur nga faqja e klubit tiranas, ku ndër tjerash thuhet se ky është një njoftim paraprak, deri në zbardhjen e plotë dhe përfundimtare të vendimit që ka marrë CAS, përmes të cilit do të përcaktohen dhe hapat e mëtejshëm që do të ndërmerren në lidhje me këtë çështje.
Partizani me këtë vendim rifiton të drejtën për të operuar në afatin kalimtar të janarit.
NJOFTIM Klubi njofton se sot është bërë me dije nga CAS për heqjen e pezullimit të sesionit të transferimit të...
Posted by FK Partizani Albania on Monday, January 4, 2021