CAVANI
Cavani e shkel Interin
5 May, 2013 @22:57
Sonte ishte nata e super sulmuesit të Napolit, Edinson Cavani. Uruguajani në derbin e javës në Serie A ndaj Interit shënoi plot tre herë për t’ia dhuruar fitoren e 20-të skuadrës së tij për këtë edicion.
Hat-tricku i Cavanit filloi me golin e tij në minutën e tretë dhe u kompletua me dy golat e tjerë në minutat 33’ dhe 78’.
Ndërsa goli i vetëm i Interit u shënua nga Ricardo Alvarez në minutën 23’ nga penalltia, sikurse që e realizoi edhe Cavani golin e tij të dytë.
Dyshja shqiptare e Napolit, Valon Behrami dhe Blerim Dzemaili, ishin titullarë në ndeshje, ku ky i fundit u zëvendësua në minutën 66’ nga kolumbiani Pablo Armero.
Rezultati
Napoli - Inter | 3-1 |