BASHKIMI - TREPÇA
FOTO / Bashkimi
Driloni shkëlqen, Trepça fiton pas 10 humbjeve
16 January, 2021 @19:08
Skuadra e Trepçës i dha fund serisë negative prej 10 ndeshjeve rresht.
Me performancën fenomenale të Drilon Hajrizit, Trepça e mposhti Bashkimin me rezultat 91-97.
Hajrizi shkëlqeu me 25 pikë, 14 kërcime, 5 asistime, 1 top të rrëmbyer e 1 bllokadë, derisa mori ndihmë edhe nga Dillon Smith me 25 pikë e 8 asistime.
Te Bashkimi u dalluan Endrit Hysenagolli me 22 pikë, 17 kërcime e 4 asistime dhe Musab Mala me 18 pikë.
Trepça e regjistroi fitoren e tretë të stinorit krahas 12 humbjeve dhe gjendet në pozitën e fundit, derisa Bashkimi me një ndeshje më shumë ngritet në pozitën e katër me 8 fitore e 7 humbje.
Në xhiron tjetër, Trepça takohet me Prishtinën, kurse Bashkimi me Yllin.
