DUKAGJINI - DRENASI
Dukagjini direkt në Superligë
18 May, 2019 @18:09
Duke shfyrtëzuar gabimin e Besës në Hogosht, që barazoi ndaj Kikës 1-1 sot, Dukagjini me fitore në Klinë ndaj Drenasit 3-1 ka siguruar Superligën për sezonin 2019/20.
Ekipi i Dukagjinit është treguar i pamëshirshëm ndaj kundërshtarit sot, duke shënuar dy golat e para në pjesë të parë të ndeshjes, për të luajtur qetë të dytën dhe duke pritur barazimin e Kikës ndaj Besës, që edhe ndodhi.
Kështu, Dukagjini i kthehet Superligës pas shumë kohësh, ndërsa ekipi nga Klina bashkë me Vushtrrinë do të jenë pjesë e elitës stinorin që vjen.
Besa dhe Vëllaznimi do të kërkojnë Superligën përmes barazhit, ndërsa kundërshtarët do të bëhen të ditur nesër.