YLLI 104-91 LIPJANI
E dyta me radhë për Yllin
15 November, 2019 @19:22
Ylli ka shënuar fitoren e dytë me radhë në Superligë, pas ardhjes së trajnerit të ri në ekip, Dragan Radovic.
Suharekasit pas Feronikelit, kanë mposhtur sonte Lipjanin që s’ka ende fitore këtë stinor, jo edhe aq lehtë, 104-91 [26-26, 33-21, 16-20 dhe 29-24].
Lipjani në mungesë të lojtarëve cilësorë në skuadër, 4 basketbollistë i ka shfrytëzuar për tërë ndeshjen, ku treshja amerikane dhe Fazli Vitia kanë luajtur nga 40 minuta, derisa i peste lojtarë ndërrohej sipas nevojës.
Më efikasit në fitoren e Yllit kanë qenë Samir Zekiqi me 22 pikë, 4 kërcime e 4 asistime, bashkë me Alante Fennerin, që gjithashtu ka shënuar 22 pikë, por me 6 asistime e 4 kërcime.
Te suharekasit edhe 4 lojtarë tjerë kanë shënuar pikë dyshifrore, ku Valon Bunjaku dha 14, bashkë me Jamel McKayin që kreu duelin me 14 pikë.
Te Lipjani më efikasi ka qenë Vitia që dha 26 pikë e 7 kërcime, ndërsa amerikanët që kaluan shifrën e 20 pikëve ishin Demarcus Stucky Jr me 24 dhe Devaughn Jenkins me 21 pikë.
Fitorja, e çon Yllin në pozitën e tretë përkohësisht me bilanc 6-3, ndërsa Lipjani mbetet i fundit në kërkim të fitores me bilanc 0-10.
Në xhiron që vjen, Ylli i shkon Trepçës, ndërsa Lipjani pret Rahovecin lider.