PRONARI I EKIPIT NGA XHENOVA
E hedh në shitje ekipin
15 May, 2019 @0:45
Enrico Preziosi, pronar i ekipit të Genoas nga Serie A, zyrtarisht ka hedhur klubin në shitje.
Njoftimin zyrtar klubi e ka dhënë për media sot, ndërsa kompania konsulente financiare Assieta S.p.A. është përgjegjëse për shitjen e klubit Genoa Cricket & Football Club S.p.A.
Përndryshe, Genoa ende nuk ka siguruar mbijetesën në Serie A këtë stinor. Ekipi futet në dy xhirot e fundit të Serie A-së me vetëm një pikë më shumë sesa Empoli në zonën e rënies, derisa në lojë për të rënë nga elita janë edhe Udinese e Parma.
