Edhe kuqezinjtë U21 mposhten nga Turqia

Pas disfatës së kombëtares mbrëmë në përballjen e parë kualifikuese për EURO 2020 ndaj Turqisë 0-2 në Shkodër, edhe shpresat kuqezi janë mposhtur sonte nga Turqia U21 në Elbasan.

Për dallim nga seniorët, shpresat kanë pasur raste kanë arritur të barazojnë dhe kanë kërkuar golin e fitores nga fundi, e gjatë kërkimit të golit të fitores, ata pësuan nga mesfushori i Karslruhes, Berkay Ozcan për përfundimtaren 1-2.

Shenja dhe shpresa për të ardhmen dhanë Esat Mala, Shaqir Tafa por edhe Giacomo Vrioni që gjeti kornizën, por portieri turk arriti të mbrojë goditjen e tij precize.

Të përzgjedhurit e Alban Bushit morrën 5 kartona të verdhë në ndeshje, derisa ata të Vedat Inceefes 2 të verdhë dhe krejt në fund edhe një të kuqe të konvertuar nga dy të verdhë të tjerë brenda 2 minutave.

Kujtojmë, kjo është përballja e parë e Shqipërisë U21 në Grupin 3 kualifikues për EURO 2021 ku përveç Turqisë U21 në grup ka edhe Kosovën U21 si kundërshtar, Anglinë U21, Andorrën U21 dhe Austrinë U21.

gol shaqir tafa on Vidnews.

gol turqia on Vidnews.