Edhe një transfer te Ballkani

Pas dy përforcimeve nga Kameruni që u zyrtarizuan dje, klubi futbollistik Ballkani sot ka njoftuar opinionin me një tjetër përforcim.

Bëhet fjalë për Ermal Krasniqin, sulmuesin 21 vjeçar, i cili me Ballkanin sot nënshkroi kontratë 2-vjeçare.

Sezonin që e lamë pas Krasniqi ishte pjesë e Ferizajit, skuadër me të cilën zhvilloi paraqitje mjaft të mira, e kjo siç duket ia ka tërhequr vëmendjen Ismet Munishit, i cili vendosi ta transferonte te klubi therandas.