Elseid Hysaj te gjigandi portugez!

Futbollisti i kombëtares shqiptare, Elseid Hysaj është shumë afër largimit nga Napoli dhe afër të nënshkruajë me gjigandin portugez, Benfica.

Njoftimin e ka bërë të ditur Tuttomercato, derisa është thënë se agjenti i lojtarit është në kontakte të avancuara me klubin e kuq nga Lisbona.

Mbrojtësi i krahut, kapiten i kombëtares, u bë pjesë e Napolit në gusht të vitit 2015 kur kaloi aty nga Empoli për 5 milionë.

Kontrata e Hysajt 27-vjeç me Napolin përfundon në verë të këtij viti. Shkodrani ka regjistruar 208 paraqitje me napolitanët duke shënuar një herë dhe asistuar nëntë herë në proces.