Elvis Rexhbeçaj vendimtar, shkëlqen me dy gola në fitore

Futbollisti me origjinë shqiptare që luan në Bundesligë, Elvis Rexhbeçaj ka shënuar dy golat e Kolnit në fitoren e sotme të ekipit të tij ndaj ekipit që garon në Champions League këtë stinor Borussia Monchengladbach.

Rexhbeçaj ka shënuar në fillim të ndeshjes për epërsinë e skuadrës së tij, ndërsa në minutën e 55 ka shënuar golin tjetër të tij, duke përfituar nga gabimi i mbrojtjes dhe duke e zënë Yann Sommerin mat, për 1-2 [Neuhaus 16 - Rexhbeçaj 3, 55].

Me golat e sotëm, Elvisi ka ngritur kuotën e golave të tij këtë stinor në 5, derisa Kölni ka bërë hap të rëndësishëm për ikje nga pozitat e rrezikshme të rënies nga Bundesliga.

Mesfushori i lindur në Gjonaj të Shqipërisë këtë stinor është duke e përjetuar sezonin më të mirë të tij në Bundesligë dhe me moshën 23-vjeçare që ka nëse vazhdon me këtë ritëm, pritet që shpejt të kalojë në një skuadër më të fortë të elitës së futbollit gjerman.