NDESHJA E MBETUR
Feronikelit 800€ dënim nga ndeshja e mbetur
22 October, 2019 @10:38
Përballja e mbetur e xhiros së dytë të Superligës, që solli fitoren e parë të Feronikelit në elitë, ka sjellë dënime të mëdha për ekipin nga Drenasi.
Nikli që kishte befasuar Rahovecin 75-72 është dënuar me 800 euro nga KG. Dënimi i parë është 200 euro, për shkak të zërimit jo të mirë, ndërsa i dyti 600 euro për shkak të hyrjes së personave zyrtarë në fushë të lojës para, gjatë dhe pas ndeshjes - që në total bën 800 euro gjobën për ekipin.
Nga kjo ndeshje, në listën e dënimeve është regjistruar edhe trajneri kroat i Rahovecit, Neven Plantak, që ka marrë gabim teknik dhe ndëshkohet me 150 euro gjobë.
