Finalja në qershor

Në mbledhjen e Komitetit Ekzekutiv të Federatës së Futbollit të Kosovës përveç tjerash është marrë vendim që finalja e Kupës së Kosovës në futboll të luhet me datën 8 qershor. 

Katër skuadrat që janë në gjysmëfinale të kësaj gare do të tentojnë që të arrijnë biletën për finale - që luhet në fundjavën e dytë të muajit në vijim. 

Në ndeshjet e para gjysmëfinale Prishtina kishte mposhtur Fushë Kosovën si mysafir 1-0 dhe ndeshja e dytë zhvillohet në Prishtinë, derisa Ferizaji kishte arritur barazim 0-0 në mysafirllëkun e vështirë në Riza Lushta të Mitrovicës ndaj Trepçës. 

Finalistët do të kuptohen pas ndeshjeve të kthimit.