Finalja

Chelsea që udhëhiqet nga Rafael Benitez, hyn nesër në finale si favorit dhe mund të bëhet ekipi i parë që pas Ligës së Kampionëve, në stinorin tjetër fiton Europa League. 

Në anën tjetër, Benfica, dëshiron patjetër që të shpërblejë tifozët pas humbjes në minutën e fundit ndaj Portos në fundjavë, që rezulton me humbjen e titullit të kampionit. 

Skuadra e Jorge Jesusit ka humbur katër ndeshja gjatë tërë stinorit, tre prej të cilave në gara europiane dhe shqiponjat e Lisbonës kërkojnë medoemos trofeun e parë të Europa League në histori. 

Chelsea gjithashtu, nuk e ka fituar asnjëherë këtë trofe. Por, ata kanë qenë në pozitë të tillë edhe në finalen e stinorit të kaluar ndaj Bayern Munchenit. 

John Terry nuk dihet nëse do të luaj në finale për shkak të lëndimit të pësuar. Sulmuesi senegalez i londinezëve, Demba Ba, nuk ka të drejtë loje, pasi që në fillim të stinorit është paraqitur me Newcastle Unitedin në këtë garë. Përndryshe, të gjithë futbollistët tjerë të Chelseat janë në dispozicion të spanjollit Rafael Benitez. 

Benfica, nuk ka asnjë brengë sa i përket lëndimeve. Mirëpo, humbja e tyre nga Portoja në fundjavë, mund t’i ketë lënduar tepër mentalisht, që është më e rrezikshme se lëndimi fizik. 

Herën e fundit këto dy skuadra janë takuar në çerekfinale të Ligës së Kampionëve në stinorin e kaluar, ku Chelsea kishte fituar të dyja ndeshjet, 1-0 në Portugali dhe 2-1 në Angli. 

UEFA EUROPA LEAUGUE - FINALJA

KUOTAT E WILLIAM HILL: