LIPJANI - YLLI
Fitore e lehtë, por me vlerë për Yllin
15 January, 2020 @18:37
Siç është pritur ashtu edhe ndodhi.
Skuadra e Yllit me lehtësi e mposhti Lipjanin me rezultat 79-100.
Lipjani në xhiron e kaluar e kishte befasuar Bashkimin, por nuk ndodhi e njëjta gjë kundër Yllit. Skuadra suharekase nga fillimi i ndeshjes e deri në fund nuk e lëshoi epërsinë për ta regjistruar fitoren e radhës.
Samir Zekiqi dhe Arbër Berisha luajtën me nga 20 pikë secili te Ylli, derisa u dalluan edhe Valon Bunjaku me 18 pikë, 9 asistime e 8 kërcime, Terrel Everett me 12 pikë dhe Rilind Krasniqi me 10 pikë të tjera.
Te Lipjani shkëlqyen Warren Winson me 32 pikë dhe Tamas Bruce me double-double prej 30 pikëve e 12 kërcimeve.
Ylli përkohësisht ngritet në pozitën e dytë me 12 fitore e 6 humbje, kurse Lipjani gjendet në pozitën e fundit me 1 fitore e 17 humbje.
Në xhiron tjetër Ylli përballet me Trepçën, derisa Lipjani me Rahovecin.