NGA KOMISIONI
Fushë Kosova humb ndeshjen me rezultat zyrtar dhe i hiqen pikët
18 May, 2019 @12:24
Vetëm një ditë para xhiros së fundit të Ligës së Parë dhe momentit kur Fushë Kosova shpresonte në mbijetesë direkte në Ligë të Parë, për shkak të një parregullsie, ekipi tash gjendet në fund të tabelës!
Shkelja e rëndë e Rregullores së garave ka bërë që ndeshja Drenasi - Fushë Kosova të regjistrohet me rezultat 3-0, ndërsa klubit të Fushë Kosovës i janë marrë edhe 6 pikë nga totali i arritur!
TABELA AKTUALE E LIGËS SË PARË
“Aktivizimi i lojtarit Hekuran Hyseni në vend të lojtarit Nebih Krasniqi, konstatohet të jetë shkelje e rëndë e Nenit 76, Paragrafit 1, Pikës 7 të Rregullores, pasi që është aktivizuar lojtari që nuk ka qenë i evidentuar në protokollin zyrtar të ndeshjes Drenasi - Fushë Kosova, 15 maj 2019. Bazuar në Rregulloren Disiplinore, Kapitulli II/15, Neni 63, Paragrafi 1, Pika 1 dhe 6, Fushë Kosova dënohet me marrjen e gjashtë (6) pikëve nga numri i përgjithshëm i pikëve të fituara deri më tani,” ka shkruar njoftimi i FFK-së.
Fushë Kosova në xhiron e fundit luan ndaj Vitisë në Ekrem Grajçevci dhe ka gjasa ende për shpëtim, por tashmë krejtësisht varet nga rezultatet ekipeve tjera që do të arrihen.
