Gianni De Biasi merr detyrën e selektorit të Azerbajxhanit

Trajneri legjendar i kombëtares shqiptare, Gianni De Biasi, që arriti suksesin historik me kuqezinjtë duke u kualifikuar në EURO 2016 - ka pranuar detyrën e selektorit të Azerbajxhanit.

Njoftimin e ka bërë të ditur FSHF-ja, duke e pasur mik të mirë italianin, derisa faqja zyrtare e Federatës së këtij vendi ende nuk ka dhënë njoftim zyrtar për emërimin e shefit të ri të reprezentacionit.

De Biasi do të ketë si detyrë të parë luftën në Ligën C të Kombeve, pasi që Azerbajxhani bën pjesë në Grupin 1 të kësaj lige, me kundërshtarë si Mali i Zi, Qiproja dhe Luksemburgu.