DUELI I BARAZHIT
Gjilani-Besa, lufta për Superligë 2019/20
29 May, 2019 @11:46
Besa duket të jetë e gatshme, njëjtë edhe Gjilani.
Dueli i dy ekipeve që luftojnë për të qenë pjesë e Superligës 2019/20 luhet nesër me fillim prej orës 16:00 në Fadil Vokrri të Prishtinës (30 maj).
Gjilani përfundoi stinorin në vend të dhjetë të Superligës 2018/19, ndërsa Besa si e treta në Ligë të Parë 2018/19.
Derisa gjilanasit kërkojnë mbijetesën edhe për një stinor dhe kanë ekip të fortë, në anën tjetër Besa (tre herë kampione e Kosovës pas lufte) po kërkon rikthimin në vendin ku i takon.
TABELA E LIGËS SË PARË 2018/19
Pritet të jetë një duel mjaft interesant, derisa Gjilani llogaritet të jetë favorit në letër, edhepse duelet e barazhit shpeshherë kanë dhënë befasi në fund.