EURO 2020
Gunes: Finalja e parë Shqipëria
8 October, 2019 @10:47
Trajneri i kombëtares së Turqisë, Senol Gunes, para ndeshjeve kualifikuese për Euro 2020, ka thënë se ndeshja kundër Shqipërisë është më e rëndësishmja se këto katër ndeshjet e mbetura në grup.
TABELA AKTUALE dhe ORARI I NDESHJEVE / EURO 2020
Gunes në konferencë për shtyp tha se ndeshja kundër Shqipërisë do të jetë finalja e parë për tyre, para ndeshjes kundër Francës.
“Jemi në një fazë ku rëndësia e ndeshjeve është e madhe, do të takohemi me Francën, por kjo ndeshje për ne do të jetë në plan të dytë. Për ne ndeshja primare do të jetë ajo me Shqipërinë, madje kjo ndeshje do të jetë më e rëndësishmja në këto 4 ndeshjet e mbetura.
Mendoj se nëse i fitojmë ndeshjet që do t’i luajmë brenda kundër Shqipërisë dhe Islandës, do të kualifikohemi në Euro 2020,” tha Gunes.
Trajneri turk gjithashtu mendon se edhe për Shqipërinë kjo ndeshje do të jetë e rëndësishme, pas fitores kundër Islandës.
“Edhe për Shqipërinë kjo ndeshje do të jetë e rëndësishme pas fitores së tyre kundër Islandës. Mendoj se do të luajnë për fitore, pasi që nuk do t’iu mjaftojë barazimi.
Do të tentojnë t’i fitojnë të gjitha ndeshjet për të hyrë në dy vendet e para, do të jetë një ndeshje e vështirë, Shqipëria është e përbërë prej lojtarëve të mirë që luajnë jashtë vendit, sidomos në Serie A, por ne nuk dyshojmë në fitore kundër tyre.”- shtoi Gunesi
TABELA AKTUALE dhe ORARI I NDESHJEVE / EURO 2020
Ndeshja ndërmjet Turqisë dhe Shqipërisë do të luhet më 11 tetor në ora 20:45.
Shqipëria aktualisht gjendet në pozitën e katërt në Grupin H me 9 pikë të grumbulluara, kurse Turqia është lidere me 15 pikë.