ELBASAN GASHI
Gurbeti merr edhe një futbollist të Kosovës
5 June, 2020 @14:27
Futbollisti i Ballkanit, Elbasan Gashi, i ka dhënë fund karrierës së tij në futboll për shkak se po merr rrugë për diasporë - për një jetë më të mirë.
Klubi i tij, Ballkani, që është lider i kampionatit dhe gjysmëfinalist i Kupës i ka dëshiruar suksese lojtarit duke shpresuar që edhe atje të bëj atë që e bën më së miri - futbollin.
“Mirupafshim Elbasan, porta e shtëpisë tënde te KF Ballkani gjithmonë do të jetë e hapur për ty. Shumë suksese në Itali,” ka qenë mesazhi i Ballkanit lëshuar sot.
Gashi 28 vjeç përveç Ballkanit ka luajtur më parë edhe për Lirinë e Hajvalinë.