Historia për historinë

Shqipëria nga përballjet e mëparshme me Zvicrën, nuk ka arritur të shënojë asnjëherë fitore.

Në gjashtë ndeshjet sa janë zhvilluar deri më tani ndërmjet Shqipërisë dhe Zvicrës, helvetikët kanë shënuar pesë fitore, derisa një ndeshje ka përfunduar me barazim.

Ndeshja e parë është zhvilluar në vitin 1965 në kuadër të kualifikimeve për Botëror, ndërsa barazimi i vetëm i Shqipërisë ka ardhur në tetor të vitit 2002, në ndeshjen që kishte përfunduar me rezultat 1-1.

Në golaverazh Zvicra ka epërsi prej 7 golave (11-4), ndërsa Xherdan Shaqiri dhe lojtari i atëhershëm i Zvicrës, Jakub Kuhn, janë dy futbollistët e vetëm që kanë shënuar më shumë se një gol nga këto përballje.

Shaqiri gjithashtu është edhe futbollisti i vetëm nga ekipet aktuale të Shqipërisë dhe Zvicrës, që ka shënuar gol më parë në ndeshjet e ndërmjetme.

Tani, në ndeshjen e parë historike të Shqipërisë në një Kampionat Europian, kuqezinjtë do ta kenë rastin të shkruajnë edhe një tjetër histori të re, në qoftëse e mposhtin Zvicrën.

Kjo ndeshje, e cila do të luhet për herë të parë në terren neutral, do të zhvillohet nesër (11 qershor) nga ora 15:00 në stadiumin e qytetit Lens të Francës.

Ndeshjet e mëparshme ndërmjet Shqipërisë dhe Zvicrës