BRIGHTON 1-0 TOTTENHAM
Humbja e dytë me radhë për Mourinhon
31 January, 2021 @22:07
Pas humbjes nga Liverpooli tre ditë më parë si vendas, 1-3, Tottenham Hotspur është mposhtur edhe sonte nga ekipi që po lufton për mbijetesë në Premier Ligë, Brighton 1-0.
Golin e vetëm dhe të fitores për ekipin e Brightonit e ka shënuar Leandro Trossard në fillim të ndeshjes (17’).
Mungesa e Harry Kane-it për shkak të lëndimit, bëri që Jose Mourinho të angazhojë nga minuta e parë Gareth Bale-in e ardhur nga Real Madridi, por kjo nuk solli fryt.
Londinezët pësuan për herë të dytë radhazi në elitë, ndërsa Brighton me fitore ka shtuar distancën nga treshja e rrezikuar për rënie, në 7 pikë.
Tottenham mbetet në pozitën e gjashtë të renditjes tabelare. Te Brighton në këtë ndeshje në bankë rezervë përgjatë 90 minutave ishte futbollisti zviceran me origjinë shqiptare, Andi Zeqiri.