KOSOVA U20
Humbja e tretë e Kosovës, nga lideri i grupit
16 July, 2019 @20:27
Përfaqësuesja e Kosovës U20 ka humbur edhe ndeshjen e tretë në Grupin C të Evropianit Div. B.
Të përzgjedhurit e Ibrahim Karabegut janë mposhtur nga Gjeorgjia, që është lidere e grupit me rezultat 52-86, ndërsa të barabartë me kundërshtarin kanë qenë vetëm në çerek të dytë [9-19, 20-20, 11-23 dhe 12-24].
I vetmi që ka shënuar pikë dyshifrore te Kosova ka qenë Dardan Kapiti, që dha 10 pikë. Meriton Ismaili dhe Andi Vrapçani shënuan nga 9, ndërsa Gazzali Makasqi shtoi 8 të tjera në humbje.
Shuti i ekipit tonë për tre pikë ka qenë përsëri tepër i dobët, ku nga 20 tentime basketbollistët e Kosovës U20 kanë shënuar vetëm dy!