Hyn Januzaj, Manchester fiton

Wayne Rooney ka shënuar golin e 150 në Premier League sot për tu bërë njeriu i dytë pas Thierry Henry, që arrin këtë numër të golave për një skuadër në elitën angleze. 

Ai ka qenë maestral në ndeshjen e sotme, ku Manchester United ka parë veten në disavantazh prej dy golave për 13 minuta lojë. 

David Moyes ka reaguar menjëherë duke e futur kosovarin Adnan Januzaj në minutën e 17-të të ndeshjes në vend të mbrojtësit Rafael kur edhe ka nisur rikthimi i djajve të kuq ndaj Hull Cityt. 

Chris Smalling ka afruar në 2-1, ndërsa në minutën e 26-të Wayne Rooney ka barazuar në 2-2, pas golave të shpejtë nga James Chester (4’) dhe David Meyler (13’). 

Ky ishte rezultati përfundimtar i pjesës së parë, derisa në pjesën e dytë Manchester United fitoi avantazhin dhe ndeshjen me autogolin e James Chesterit (66’) për të arritur në pesë fitore radhazi në të gjitha garat dhe për tu ngritur në vendin e gjashtë të tabelës para ndeshjeve tjera që luhen sot më vonë. 

Rezultatet dhe tabela aktuale.