KRYHET SAGA
Icardi në PSG
2 September, 2019 @23:16
Tashmë është zyrtare. Paris St Germain ka bërë të ditur se ka arritur marrëveshje me Interin për shërbimet e sulmuesit të tyre, Mauro Icardi.
Detajet e marrëveshjes nuk janë bërë të ditura, por fillimisht dihet se PSG e ka marrë si huazim Icardin për një stinor, me opcion për blerje për 70 milionë euro në fund të stinorit.
Në të njëjtën kohë, Icardi ka vazhduar kontratën me Interin deri më 30 qershor 2022, për shkak se neroazzurrët do të humbnin të drejtën për lojtarin nëse Parisi nuk e blen atë në verën tjetër, pasi që sulmuesi do të bëhej lojtar i lirë.
Icardi do të vesh fanellën me numër 18 te PSG. SkySport Italia ka shtuar në lajm se huazimi i kushton PSG-së 5 milionë euro, plus 7 milionë euro tjera si rrogë për lojtarin dhe nëse PSG vendos ta blejë Icardin verën e ardhshme, rroga e sulmuesit do të bëhet 10 milionë euro për stinor, në kontratën minimalisht 4 vjeçare.