NË NDESHJEN E RADHËS
Ish ylli i Kosovës, pensionohet në ndeshje ndaj Çekisë
5 September, 2019 @21:08
Tashmë ka vendosur. Pas ndihmës së madhe që i dha Kosovës në kohën kur ishte më së vështiri, tash 33 vjeçari Enis Alushi, që së fundi luajti për ekipin e dytë të Nurnbergut, ka bërë me dije që do të pensionohet nga futbolli.
Ai sot ka qenë i pranishëm në stërvitjet e Kosovës para ndeshjes ndaj Çekisë, që po zhvillohen në stadiumin Fadil Vokrri. Ndërsa kreu i FFK-së ka bërë të ditur se para fillimit të ndeshjes ai do të dekorohet me çmim të veçantë për kontributin e dhënë për krijimin e reprezentacionit të Kosovës.
TABELA AKTUALE dhe ORARI I NDESHJEVE
Alushi ka qenë pjesë e ekipit historik që në Adem Jashari të Mitrovicës priti Haitin në përballjen që pat përfunduar 0-0. Ai gjithashtu ka qenë pjesë e Kosovës në kualifikimet e para të vendit tonë, për Kampionatin Botëror Rusia 2018.
Mesfushori i njohur si lojtar i qetë dhe punëtor, karrierën e tij kryesisht e ka bërë në Bundesliga 2, duke qenë pjesë e ekipeve me emër në Gjermani si Paderborn, Kaiserslautern, St Pauli dhe së fundi Nurnberg.