Istogu lider, ekipi i vetëm i pamposhtur në Ligë të Parë

Janë dashur vetëm katër xhiro që në Ligë të Parë të Koosvës, të mos mbetet asnjë ekip pa shijuar humbjen - pos, liderit të kësaj lige, Istogut.

Troftat tashmë kanë marrë vendin e parë pastër në Ligë të Parë dhe me 10 pikë nga 4 ndeshjet e para të stinorit, duket se do të pretendojnë seriozisht biletën për Superligë.

TABELA AKTUALE

Istogu dje mposhti Ramiz Sadikun 2-1, duke përmbysur epërsinë befasuese të prishtinasve, të cilët kishin dalë heret në avantazh me golin e shënuar nga Fillim Guraziu (12’), 0-1.

Sidoqoftë, golashënuesi i dalluar i ekipit të Istogut reagoi shpejtë për të asistuar në golin e barazimit për vendasit. Qëndrim Jahaj pasoi topin te Leotrim Teplani që barazoi shifrat në minutën e 21-të të takimit.

TABELA AKTUALE

E me të nisur pjesa e dytë ekipi i qytezës më Perëndimore të Kosovës ka shkuar plotësisht në sulm, ndërsa nuk vonoi shumë, Ragip Mazrekaj depërton në zonë nga krahu kroson shpejtë dhe mbrojtësi i mysafirëve Gëzim Gashi fut topin në rrjetë të vetë për epërsi të Istogut, 2-1 (49’).

Istogu pas epërsisë ka pasur edhe tre raste të pastra për gol, por rezultati deri në fund nuk ndërroi.

i: