Kalohet edhe Udinese

Roma kaloi edhe një test të vështirë. Mysafirllëku në Udine si dhe 90 minutat e para pa Francesco Tottin dhe Gervinhon. 

Roma përjetoi djersitje të vërtetë në Friuli ku mbrojtësi Leandro Castan në mënyrë akrobatike shpëtoi një gol të sigurtë, duke e larguar topin nga vija e portës, pas tentimit të Gabriel Silvas. 

Romakët duruan edhe një shtyllë, derisa nga minuta e 66-të luajtën me 10 lojtarë në fushë pas kartonit të dytë të verdhë nga krahmbrojtësi Douglas Maicon. 

Mirëpo, krejt në fund, Roma kërkonte golin dhe e gjeti. Kevin Strootman priti momentin dhe e dërgoi një krosim për te Michael Bradley, i cili dërgoi topin në portën e bardhezinjëve për fitoren e nëntë me radhë të romakëve. 

Roma me këtë fitore ka vazhduar rekordin perfekt në Serie A dhe është ekipi i vetëm në ligat e forta europiane që nuk ka hedhur poshtë asnjë pikë deri më tani.