Kampioni tregon forcën karshi liderit

Kampioni aktual i Kosovës, Prishtina, ka arritur fitore të madhe si mysafire sot në Vushtrri. Një gol i vetëm i shënuar nga Liridon Latifi në minutën e 23-të të ndeshjes ka qenë i mjaftueshëm për të bërë dallimin dhe për trepikëshin tejet të rëndësishëm të ekipit të Afrim Tovërlanit. 

Me këtë, Tovërlani, ka shënuar fitoren e katërt ndaj Ismet Munishit të Llamkos Kosovës, derisa skuadra vushtrriase është mposhtur në Superligë pas tetë xhirove. 

E përcjellur nga një numër i madh adhuruesish futbolli, ndeshja kishte raste, kartonë, tre prej të cilëve të kuq, që e la Prishtinën ta pret fundin e takimit me 9 lojtarë në fushë - por pa ndërrim në rezultat. 

Me këtë fitore lufta për titull nxehet përsëri pasi që dallimi ndërmjet Llamkos Kosovës dhe Prishtinës tashmë ka rënë prej 10 në 7 pikë.

Rezultatet dhe tabela aktuale.