TREPÇA '89 - VËLLAZNIMI
Kapiteni Idrizi për fitoren e mitrovicasve
18 February, 2018 @14:26
Në takimin e parë të stinorit pranveror, kampioni në fuqi i Kosovës ka shënuar fitore ndaj Vëllaznimit në shtëpi.
Pjesa e parë e ndeshjes u mbyll me rezultat të bardhë, derisa epërsia e mitrovicasve erdhi në minutën e 49’ të ndeshjes, moment në të cilin kapiteni Shpëtim Idrizi shënoi me një goditje shumë të fuqishme me këmbën e majtë.
Sa i përket mysafirëve, ata gjithashtu rrezikuan disa herë, ndërsa rasti më ideal u paraqit për Egzon Gashin, i cili gaboi ballë për ballë portierit Bledar Hajdini në fundin e pjesës së parë
Kjo fitore bën që mitrovicasit tashmë të kenë 30 pikë të grumbulluara, ndërsa Vëllaznimi mbetet në zonën e Play Out-it.