PRISHTINA - YLLI
Kastrati shkëlqen, Ylli triumfon në kryeqytet
27 January, 2021 @19:07
E udhëhequr nga Super Erjon Kastrati, skuadra e Yllit sonte ka arritur të shënojë një fitore mjaft të rëndësishme ndaj Prishtinës në kryeqytet.
Skuadra e Prishtinës më e mirë se Ylli ishte vetëm në çerekun e parë (14-12), e pastaj pjesa tjetër i takoi suharekasve, që në fund shënuan fitore 60-68.
Erjon Kastrati ishte më i miri te Ylli sonte.
Ai nuk pushoi për asnjë moment, duke luajtur plot 40 minuta, gjatë të cilave realizoi 26 pikë, 9 kërcime e 1 asistim. Përveç tij, pikë dyshifrore te Ylli shënuan edhe Mitchell Wilbekin dhe Valon Bunjaku, nga 10 secili.
Sa i përket Prishtinës, te kjo skuadër më i miri sonte ishte Nigel Johnson me 22 pikë, 4 kërcime e 1 asistim.
Me bilanc 12-6, Ylli i prin Superligës bashkë me Pejën momentalisht, kurse Prishtina gjendet në vendin e gjashtë në renditje.
