Katër përforcime te Shkëndija

Shkëndija e Tetovës që këtë stinor po kërkon titullin kampion të Maqedonisë ka prezentuar sot 4 përforcimet e reja në skuadër para pjesës së dytë të stinorit. 

Nderim Nexhipi, Stefan Vujcic, Alem Merajic dhe portieri Kostadin Zahov - janë përforcimet e reja të skuadrës, ndërsa Nexhipi, njeriu që po rikthehet për herë të tretë te kuqezinjtë e Tetovës ka thënë: 

“Shpresoj që me rikthimin e tretë të qëndrojë më shumë. E treta e vërteta të jetë kjo. Jam këtu të jap maksimumin dhe të kontribuojë që të arrijmë synimet, të marrim titullin dhe Kupën,” ka thënë Nexhipi për faqen zyrtare të klubit sot. 

Shkëndija ka përfunduar vjeshtën në elitën maqedonase në vend të dytë, 5 pikë pas Vardarit lider.