MITROVICË
KB Trepça angazhon ish-lojtarin në pozitë të ndihmës-trajnerit
31 January, 2021 @21:59
Skuadra e Trepçës që është riorganizuar së fundi me kryesinë e re dhe duke sjellë përforcime cilësore si dhe duke kthyer Drilon Hajrizin pas vitesh në Minatori, para pak çastesh ka bërë të ditur se ka rikthyer edhe ish-lojtarin e ekipit, në pozitë të ndihmës-trajnerit.
Brahim Veseli, që ka qenë ndër lojtarët e dalluar të mitrovicasve në periudhën pas vitit 2005, tash do të jetë ndihmës i trajnerit turk të ekipit Serhat Seit.
Njoftimin e ka bërë zyrtar pak më parë klubi mitrovicas përmes një postimi në llogarinë e rrjeteve sociale.
“Në vazhdën e riorganizimit të klubit, kryesia e klubit angazhon ish-basketbollistin, Brahim Veseli, në pozitën e ndihmës-trajnerit të skuadrës,” ka shkruar njoftimi i minatorëve.