LIGA E PARË 2020/21
KH Deçani kampion vjeshtor
15 December, 2020 @0:13
Ka përfunduar stinori vjeshtor në Ligën e Parë të Kosovës në hendboll në konkurrencë të meshkujve.
U zhvillua një garë e mirë, ndërsa në skuadra kanë parakaluar shumë hendbollistë të talentuar.
Sa i takon rezultateve, është shquar Deçani, që ka fituar të gjitha nëntë ndeshjet.
Duke e mposhtur KEK-un si mysafir në përballjen e fundit të pjesës vjeshtore të stinorit me rezultat të thellë 25-35 deçanasit kryejnë Ligën e Parë me 18 pikë maksimale.
Me 18 pikë, Deçani është kampion vjeshtor në Ligën e Parë. Deçani duke konfirmuar seriozitetin mbetet pretendi kryesor për rangun më të lartë të garave të hendbollit të Kosovës.