Klopp paralajmëron Guardiolën

Jurgen Klopp, trajneri gjerman i Liverpoolit që erdhi nga Borussia Dortmund, ka paralajmëruar Pep Guardiolën që në fund të këtij stinorit pritet të merr drejtimin e një skuadre angleze. 

“Dallimi më i madh është numri i ndeshjeve,” ka thënë Klopp fillimisht, shkruan BBC Sport sot. 

“Kjo është ajo… këtu ke numër të madh ndeshjesh. Po t’i thuash një gjermani që ke barazuar në FA Cup, atëherë ata të thonë pse ndeshja tjetër, duke qenë se ekzistojnë vazhdimet dhe penalltitë... Por, këtu kjo vjen pas ndeshjes së dytë,” ka shtuar Klopp. 

“Besoj që Guardiola është aq me përvojë sa që do të krijojë një ekip të mirë... me 35 lojtarë,” ka thënë trajneri i Liverpoolit, duke i bërë me dije spanjollit se nuk është aspak lehtë në futbollin anglez. 

Liverpool ka aktualisht 15 lojtrë të lënduar. Klopp së fundi kishte futur një ekip me plotë të rinj në ndeshjen e Kupës dhe mezi siguroi ndeshjen e dytë, ndaj ekipit të ligës së katërt angleze. 

Guardiola ka paralajmëruar se në fund të stinorit do të largohet nga Bayerni dhe do të merr drejtimin e një ekipi nga Premier League. 

Katërshja sipas radhës duken më të interesuara për shërbimet e spanjollit: Manchester City, Chelsea, Manchester United dhe Arsenal.