Konfirmohet: Vedat Muriqi negativ në coronavirus

Pas testeve të bëra në klubin turk të Fenerbahçes lidhur me pandeminë coronavirus, skuadra në fjalë ka bërë të ditur se një lojtar i tyre ka dalë pozitiv në test.

Në Fenerbahçe siç dihet luan ylli i Kosovës, Vedat Muriqi, ndërsa menaxheri i tij Haluk Canatar (lex. Xhanatar) në rrjetin social Twitter ka bërë të ditur se kosovari është testuar negativisht, fatmirësisht.

“Vedat Muriqi dhe Serdar Aziz, të cilët i përfaqësoj, në testet për covid-19 kanë rezultuar negativ,” ka bërë të ditur Canatar.

Fenerbahçe nuk ka bërë të ditur cili lojtar i saj është infektuar me coronavirus, që ka kapluar krejt botën.