Të gjitha lajmet

DISFATË MINIMALE

Kosova U20 mposhtet nga Maqedonia Veriore

Foto: FBK

Kosova U20 mposhtet nga Maqedonia Veriore

Teksti: FBK

7 June, 2019 @19:30

Basketbollistët e Kosovës U-20, te meshkujt, kanë zhvilluar një ndeshje shumë të mirë ndaj Maqedonisë Veriore U-20, në udhëtim, por në fund pësuan me rezultat të ngushtë 68:67 (16:14, 21:21, 11:14, 20:18), derisa kishin rastin të dilnin me fitore nga kjo përballje.

Në çerekun e parë u zhvillua një lojë e barabartë me dy ekipet që nuk arrinin të shkëputeshin në epërsi, derisa ky çerek përfundoi 16:14 për vendësit.

Periodën e dytë e nisën më mirë vendasit, megjithatë, “Dardanët”, nuk u dorëzuan dhe kjo periudhë përfundoi 21:21, duke bërë që në pushim të shkohet me rezultat 37:35 për vendësit. Kosova ishte shumë më e mirë në dhjetëminutëshin e tretë, madje, duke pasur edhe pesë pikë epërsi, por maqedonasit arrijnë të ngushtojnë shifrat në 48:49, sa ishte rezultati pas 30 minutave në parket.

Çereku i fundit ishte mjaft interesant dhe dramatik, ku maqedonasit kishin deri në 6 pikë epërsi, por Kosova lufton deri në fund, duke ngushtuar shifrat në 68:67, me një tre pikësh të Meriton Ismailit, derisa Leon Neziri në sekondën e fundit nuk ishte i saktë për të fituar ndeshjen.

Te Kosova u dalluan Leon Neziri me 11 pikë, Gazzali Makasqi me 10, Erjon Sholla e Ramadan Zekiqi me nga 8 dhe Dardan Kapiti me 6 pikë e 8 kërcime, kurse te vendasit Nastovski me 16 dhe Temelkovski me 15.

Përzgjedhësi i Kosovës U-20, Ibrahim Karabegu u dha hapësirë të gjithë lojtarëve (14), duke i aktivizuar gjatë ndeshjes.

Kosova nga 12 deri më 21 korrik do të jetë pjesëmarrëse e Kampionatit Evropian, Divisioni B, që do të mbahet në Portugali.

Basketbollistët e Kosovës U-20 kanë filluar më parë stërvitjet në Prishtinë për të pasur një paraqitje sa më të mirë në Portugali.

Kosova është në Grupin C së bashku me Suedinë, Holandën, Gjeorgjinë, Estoninë dhe Armeninë.

KAMPI NACIONAL

Mbi 100 basketbollistë/e në përzgjedhje

Foto: FBK

5 June, 2019 @12:56

Federata e Basketbollit të Kosovës (FBK) do të bëjë përzgjedhjen e basketbollistëve të grupmoshës 2005/06 për në Kampin Nacional, i…

VENDIMI I KLUBIT

Rahoveci në gara evropiane

3 June, 2019 @12:40

Klubi i Rahovecit tashmë ka vendosur. Ekipi nënkampion i Kosovës dhe finalist i Kupës së Kosovës, dëshiron të merr pjesë…

NGA TAKIMI FBK - SHTBK

Sanksione për trajnerët që s’marrin pjesë në klinika

30 May, 2019 @14:56

Zyrtarë të Shoqatës së Trajnerëve të Basketbollit të Kosovës (SHTBK), Albert Sylejmani dhe Fidan Shatri, kanë shkuar në zyret e…

REFEREE

Bunjaku kandidat për referim potencial në gara të FIBA-së

TOPSPORTI/ Arian Paçarizi

17 May, 2019 @21:11

Referi prizrenas, Visar Bunjaku, është nominuar nga FBK-ja për kampin FIBA Potential National Referees. Ky kamp mundëson zhvillimin e referëve,…

NGA INFORMATORI NR 38

Publikohen dënimet nga ndeshja e fundit e serisë finale

Foto: K. Derguti/ FBK/ fb

15 May, 2019 @10:55

Federata e Basketbollit të Kosovës (FBK) ka publikuar Informatorin e fundit të Superligës për këtë stinor 2018/19, ku ka bërë…

Të gjitha lajmet nga FBK Superliga